Orratx! zuen izena Lezoko kultur elkarte batek. Izen bereko aldizkari bat argitaratu zuen 1996tik 2003ra bitartean. Guztira, hirurogeita lau zenbaki eta lau ale berezi. Euskara bultzatzeko sortutako elkarte horrek, gainera, argazkilaritza eta antzerkigintza ere landu izan ditu.
Behinola, 2003an, Lexok lehen bertsoan aitortzen duenez, bertso batzuk eskatu zizkioten Orratx!-etik herriko artea eta artistak aipa zitzan. Bost bertso hauek dira Lexok emandako erantzuna.
| 1 – Orratxetik dei egin didate, nigan sortuz nahiko kezka. Arteari buruz bertso lantxo bat egin ahal dudan galdezka. Arlo honetan ezjakina naiz, baina zerbait nahi dut presta. Irudimena dantzan jarriaz, zertan burua ez freska? | 2 – Zehatz-mehatzik ez dakit artez, zerbait bai artelariaz, herri hontako konposatzaile, musiko, margolariaz… Lezoko Korpus Prozesioa famatua da egiaz. Koadroegile handia, berriz, Salaberriar Elias. |
| 3 – Artea arte izango bada artistak egina dizu. Konposatzaile on ugaria, organoan guztiz maisu. Mezak, poema sinfonikoak, koru, kantu… Zer ez, aizu? Arte kontuan goi mailakoa ez al da Tomas Garbizu? | 4 – Besteak beste, hau ere jaio dena Lezoren altzoan. Euskal Herria bihotzean ta txistu-danbolin besoan. Zenbat kontzertu ote darama hain ahosabai gozoan? Gure Polentzi Gezala, arte ereintzan mundu osoan. |
| 5 – Horra ba nire apurra egin agindu nuen bezala. Itsas handitan sartu naiz eta hau bakarrik da kresala. Ezjakinaren atrebentzia mesedez inork ez sala. Norbait mindurik utz nezakeen, arren barkatu dezala. |
Utzi erantzuna